पूर्व राजा ज्ञानेन्द्र साहले गरे जानकी मन्दिरमा पूजा पाठ

जनकपुर । पूर्व राजा ज्ञानेन्द्र साहले जनकपुरधास्थित जानकी मन्दिरमा पूजा पाठ गरेका छन् । सोमबार दिउँसो उनले जानकी मन्दिरमा पूजा पाठ गरेका हुन ।
पूजा पाठ पश्चात जानकी मन्दिरका महन्थ राम तपेश्वर दासले पूर्व राजा साहलाई जानकी मन्दिरको चाँदीको प्रतीमा उपहार स्वरुप दिएका थिए । सो क्रममा महन्थ दासले पूर्व राजा साहलाई २०४७ पछिको संविधानलाई हटाउन आग्रह गरे । उनले देशमा राजतन्त्रसहितको हिन्दू राष्ट्रका लागि सम्पूर्ण साधुसन्त अगाडि बढ्न तयार रहेको बताए ।
दर्शन पश्चात सञ्चारकर्मीलाई छोटे प्रतिक्रिया दिँदै पूर्व राजा साहले उनको आगमन धार्मिक मात्र रहेको बताए ।
पूर्व राजा साहलाई हेर्न जनकपुरधामसहित विभिन्न जिल्लाका हजारौं जनता जानकी मन्दिर परिसरमा पुगेका थिए । सो क्रममा उनीहरुले राजा आउ देश बचाउ, हाम्रो राजा हाम्रो देश प्राण भन्दा प्यारो छ को नारा लगाएका थिए ।