काठमाडौँ । उद्यमी तथा समाजसेवी भवानी राणाले गायनमा पनि पाइला चालेकी छन् । नेपाल उद्योग वाणिज्य महासंघ (FNCCI)की पहिलो महिला अध्यक्षसमेत रहेकी राणाले गायिका सरस्वती खत्रीसँग मिलेर ‘शिव ताण्डव’ गीतमा स्वर दिएकी हुन् ।
सुरसुधासँगको सहकार्यमा तयार भएको गीतको भिडियो OSR Digital मार्फत सार्वजनिक गरिएको छ । भिडियो भारतीय राजदूत नवीन श्रीवास्तव, ललितपुर महानगरपालिकाका मेयर चिरीबाबु महर्जन, एनआरएनएका संस्थापक डा. उपेन्द्र महतो लगायतले संयुक्त रूपमा सार्वजनिक गरेका हुन् ।
व्यवसाय तथा सामाजिक क्षेत्रमा सक्रिय राणाले पहिलोपटक गायनमार्फत आफ्नो अर्को प्रतिभा प्रस्तुत गरेकी हुन् । गीत सार्वजनिक भएपछि उनको गायनलाई लिएर सामाजिक सञ्जालमा सकारात्मक प्रतिक्रिया समेत आइरहेका छन् ।
